LIBER SEXTUS

I. DE REI VINDICATIONE

1 Ulpianus libro sexto decimo ad edictum Post actiones, quae de universitate propositae sunt, subicitur actio singularum rerum petitionis. 1. Quae specialis in rem actio locum habet in omnibus rebus mobilibus, tam animalibus quam his quae anima carent, et in his quae solo continentur.

2 PAULUS libro vicensimo primo ad edictum Sed si par numerus duorum interfuerit, neuter solidum gregem, sed ne partem dimidiam totius eius vindicabit. Sed si maiorem numerum alter habeat, ut detracto alieno nihilo minus gregem vindicaturus sit, in restitutionem non veniunt aliena capita.

3 Ulpianus libro sexto decimo ad edictum Marcellus libro quarto digestorum scribit: qui gregem habebat capitum trecentorum, amissis